"Donkie" deur Frank Opperman

Steeds Donkie deur Frank Opperman

Kom geniet 'n unieke ervaring saam met Frank Opperman en sy produksie “Steeds Donkie” by Vredelust Gemeente in Bellville. Met sy kenmerkende humor, word jy meegesleur deur “Donkie” se alledaagse stryd om oorlewing in ‘n hedendaagse konteks en wêreld. Opperman vertolk die rol van die skoolhoof, Mnr Barry Swart, alombekend as “Donkie.” Mnr. Swart is die hoof van Hoërskool Hans Oosthuizen en hy is totaal en al uitgebrand. Die lewe “kry hom onder”, maar hy oorkom die uitdagings deur middel van humor.

Frank Opperman en Dana Snyman het met “Donkie” ‘n karakter geskep wat met die eerste (effe onbeholpe) woord reeds diep in 'n mens se hart kruip. Met soveel humor, fyn waarneming, subtiele kommentaar en absolute deernis word ‘n storie vertel waarin ieder en elk homself sal verkneukel. Jy wil beslis nie hierdie stuk misloop nie!